ودي أكتبلك قصيده
كل معانيها جديده
و أوصف مدى حبي
و اقولك إنتي الوحيده...
ودي أقول إني مشتاق
و حبك ساكن الأعماق
و أصرخ بعالي الصوت وحشتيني
ما اقوى كلمة فراق...
ودي تنهيلي عذابي
وياكي أتهنى بشبابي
وتجيني ملهوفه تبيني
و بجيتك .. أفتح أبوابي...
ودي أحكي بأعلى صوت
و اقول أحبك أقول موت
و أنحر الصمت بكلامي
و أنسى أحزان السكوت...
ودي أرفع كل رايه
و أتباهى بوجودك معايه
و أصيح من قلبي هويتك
و ترد هالعالم ورايه...
ودي أشوف نفسي بعيونك
و أكون في الهوى مجنونك
و أحلف إني أبقى على عهدك
و أقسم إني أبد ما أخونك...
ودي أكون منك قريب
و أكون لك أغلى حبيب
و يجيني غيرك و أرفضه
و أقول له إنتي النصيب...
ودي أحب بكل هيام
و أعيش معك أحلى غرام
و أعيش بأحضانك حياتي
وتتحقق معك كل الأحلام...
ودي أضمك حيل لأحضاني
و أسقيك من صافي حناني
و أنسى كل الكون عندك
و أقول .. إي هذا مكاني...
ودي أهديكي عيوني
و تكوني أفراحي و شجوني
و تحبي فيني كل شي
و تحبي .. قبل عقلي جنوني

========================

عـــاشــق الـــكــتــابــــة